کثاف اصطلاحات ادبیات از پروفیسر عتیق اللہ تین جلدیں Kashmir issues — The Godfather by Mario

— The Godfather by Mario Puzo

ISBN: 9693507622

دیار جان شاعری

انداز بیاں، اسلوب اور تکنیک کا اتنا خلاق تجربہ اردو ناول کی تاریخ میں دیکھنے کو نہیں ملتا۔ سالٹ رینج کی پہاڑیوں، سنمیال اور انعام گڑھ جیسے قصبوں کے ساتھ ساتھ بڑے شہر کے متمول علاقوں کی منظر نگاری تمام مقامات کو واضح کر کے قاری کو دکھاتی ہے۔ یہ منظر نگاری قاری کے تخیل کو اپنے قابو میں کر لیتی ہے۔ مختلف مباحثوں پر مشتمل طویل مکالمے، نیلے رجسٹر جیسی منفرد اور مشکل تکنیک اور لمبے لمبے خط ناول کی کہانی کے اندر بہت خوبصورتی سے سموئے گئے ہیں۔ یہ انداز قاری کو منفرد ہونے کا احساس تو دلاتا ہے لیکن قرات میں بوریت پیدا نہیں کرتا ۔ مختلف ناقدین کی آرا میں ناول کی زبان ایک الگ کردار کے طور پر ابھر کر سامنے آئی ہے جب کہ بعض لوگوں نے شکایت کی ہے کہ اردو اور انگریزی کے مشکل الفاظ استعمال کر کے نثر کو خوامخواہ ثقیل بنایا گیا ہے۔ حقیقت میں ایسا نہیں ہے۔ اس ناول میں ناقابل اشاعت الفاظ اور دماغی خلل کا نتیجہ سمجھے جانے والے فقروں کو خوبصورتی سے استعمال کر کے اردو ناول کو بےباکی اور اظہار کی وسعت بخشی گئی ہے۔

ناصر بلوچ نے 1869 سے ناولٹ کی تاریخ کا آغاز کیا ہے گویا اس کی عمر ڈیڑھ صدی سے بھی زیادہ نکلتی ہے۔ ہم کہہ سکتےڈ ہیں یہ ایسی گری پڑی صنف نہیں کہ ذیلی یا نمنی صنف مان لی جائے اور کسی دوسری صنف کا ضمیمہ ٹھہرا دی جائے ۔ مصنف نے اس کی تاریخ 1998ء تک بیان کی ہے اس صنف کی شناخت کرنا اور اس کی ایک سو تیس سال کی تاریخ کھوج نکالنا آسان کام تو نہیں، خاصا مشکل کام تھا۔ ناصر بلوچ نے یہ مشکل کام کر کے کارنامہ سرانجام دیا ہے۔ اب اگلی بات یہ ہے کہ اردو ناولٹ پر یہ پہلا تحقیقی کام تھا۔ اس کے بعد جب یاروں کو پتا چلا یہ بھی ایک جاندار صنف ادب ہے، انھوں نے اس پر تحقیق شروع کر دی۔ ناصر تحقیق تو کر ہی چکا تھا، یاروں کو تحقیق میں زیادہ سرکھپانے کی ضرورت نہیں تھی ۔ اب اسے شائع کیا جا رہا ہے تو یقینا اس کا مقصد اس موضوع پر تحقیق نگاروں کو دعوت دینا نہیں، اس تحقیق کو اُردو اب کے قاری کے لیے عام اور آسان کرتا ہے۔ اُردو فکشن میں ناول اور افسانے کے ساتھ ساتھ ناولٹ کی صنف موجود ہے، مگر یہ صنف محققین کی توجہ سے عموماً محروم رہی ہے۔ ناصر بلوچ ایک شاعر، افسانہ نگار اور ڈراما نگار ہونے کے ساتھ ساتھ ایک اچھے اور سچے محقق بھی ہیں۔ انھوں نے اُردو ناولٹ کو اپنی تحقیق کا موضوع بنایا ہے اور صدق دل سے تحقیق کا سفر کیا ہے۔ انھوں نے ناولٹ کی صنفی شناخت کے تعین میں دیدہ وری سے کام لیا ہے۔ اردو میں لکھے گئے ناولٹ تلاش کیے ہیں اور اُن کا تجزیہ بہت خوبی اور خوصورتی سے کیا ہے مجھے خوشی ہے کہ اُس کا تحقیق کا سفر پھل ہوا ہے۔

کثاف اصطلاحات ادبیات از پروفیسر عتیق اللہ تین جلدیں Kashmir issues — The Godfather by Mario